Hargeysa(RH):- Wasiirka Wasaaradda Caafimaadka Somaliland Xuseen Muxumed Maxamed (Dr. Xuseen-Xoog), ayaa maanta soo gebogebeeyay tabobbar muddo siddeed maalmood ah uga socday Hawlwadeenno caafimaad Hotel Maansoor ee Hargaysa.

Aqoon is weydaarsi ku saabsan ka fa’iidaysiga tallaalka cusub ee Cudurka Jooniska, kaasoo ay ka qayb-qaadanayeen hawlwadeenno ka kala socday Somaliland iyo dalka Soomaaliya ayaa waxa kale oo lagaga hadlay dhibaatooyinka caafimaad ee la xidhiidha cudurrada dilaaga ah sida Xiiq-dheerta, Taytanada iyo Jadeecada.

Munaasabadda lagu soo xidhayey Aqoon-is-weydaarsigaasi ayaa waxaa ka hadashay madaxa WHO ee Somaliland Aasiya Cismaan oo ballan-qaaday inay hay’ad ahaan Wasaaradda caafimaadka la dhinac-istaagayaan Barnaamijyada taageerada ee lagama maarmaanka u ah habsami-u-socodsiinta adeega caafimaad ee ay wasaaraddu u xilsaaran tahay.

Wasiirka Wasaaradda Caafimaadka Somaliland Dr. Xuseen Muxumud Maxamuud (Dr. Xudeen-Xoog), ayaa isna dhankiisa u jeediyey ka soo qaybgalayaashii kulankaa hadallo dardaaran ah oo ku aaddan sidii ay ugu diyaar-garoobi lahayeen cidhibtirka lala damacsan yahay cudurka jooniska iyadoo loo marayo dariiqa tallaalkiisa.

Radio Hormuud.dk
Studio 2
Hargeysa/Somaliland.