Denmark: Wiilka 19 jirka ah ee Mohammed El Hichou wuxu ka yimi Morooko, marku 14 jir ahaa. Wiiggii hore ayaa xafiiska adeegga shisheeyuhu u diiday sharcigii deggenaanshaha.

- Aad baan uga xumahay. Garan maayo, wax aan qabto. Waana war naxdin leh. Maan filayn, in jawaabtu maya noqoto, ayuu yidhi Mohammed El Hichou, oo dhigta fasalka caalamiga ah ee dugsiga cusub ee Vesterbro ee Kobanheegan.

Mohammed aabbihii wuxu Danmark deggenaa ilaa 30 sano, isaga ayaana xilqaadayay wiilkiisa tan iyo 12 jirkiisii. Aabbuhu wuxu isku dayay, in qoyskiisa loo keeno, laakiin waa la diiday, sababtoo ah caydha ayuu qaadanayay.

Yididiilo xumo
Isagoo 14 jir ah ayuu Mohammed si sharci darro ah ku yimi dalka, taasoo ka dhigan, in aanu dhigan karayn dugsi. Dabadeed isaga ayaa is baray afka deenishka, marku sameeyay waxyaabo ay ka mid yihiin, inuu akhriyo buugagta rugkutubeedka.

Wiilka oo hadda 19 jir ahi ma garanayo wuxu qabto, hadduu ku laabto Morooko.

Waxaa qortay: Maria Av Skardi Bundgaard

Waxa tarjumay: Ahmed Diria Liban