Sana'a (RH) Dowladda Yemen ayaa isniintii sheegtay in ruuxii isku-miidaamiyay Taliyihii ciidamada koonfurta Yemen Gen Salem Cali Qatan uu ahaa qof Soomaali ah.

Ciidamada Yemen ayaa hadda dagaallo kula jira Al-Qaacida Jaziirada Carbeed kuwaas oo dhul badan ka qabsaday koonfurta Yemen.

Taliyaha ciidamada koonfurta Yemen Qatan ayaa ku dhintay is-qarxin ka dhacday magaalada dekada leh ee Cadan, halkaas oo uu baabuur uu ka buuxo waxyaabaha qarxa lagu weeraray kolonyo uu watay.

Gen Salem wuxuu hoggaaminaayay dagaalka ka dhanka ah Al-Qaacida dalkaas gaar ahaa koonfurta sida ay lee yihiin saraakiisha dalka.

Askarta Yemen waxa ay hadda soo celiyeen dhul badan oo ku yaala gobalka Abyan oo ay horrey u qabsadeyn Al-Qaacida Jaziirada Carabta.

Waxa la dilay taliyaha afar ka mid ah ilaaladiisa iyo dad kale oo goobta ka agdhawaa iyo dad kale oo dhaacwacooda uu halis yahay sida ay sheegayaan saraakiisha dalka Yemen.

Wasaarada Gaashandhiga Yemen ayaa sheegtay in ninka is-qarxiyay ay dhalashadiisa tahay Soomaali laakin faah-faahin kale ma sheegin oo intaas dhaafsiisan.

Kooxda Al-Qaacida dalkaas oo ay soo xiganeyso wakaalada wararka Shiinaha ee Xinhua waxa ay  sheegteyn masuuliyada weerarkaas.

Waxa ay yiraahdeyn" Gen Qatan waxa uu masuul u ahaa duulanka is sifeenta see ka socda koonfurta. mid ka mid ah Jihaadistayaasheena ayaa ku guuleestay in uu qarxiyo Gen Salem Ali Qatan kaa oo muddo bilooyin ah hoggaaminaayay dagaal ka dhan qoosaskeena ku sugan gobalka Abyan," sidaas waxa su sheegay Xinhua afhasyeen u hadlay kooxdan.

"Ciidamadeena waa ay ka baxeyn magaalada, wax khasaaro ah naga soo gaarin dagaalka waana sii wadi doono ilaa inta ay ku sugan gobalkaas ." ayuu sheegay

Gen Qatan waxa la magacaabay bishii March wax yer uun markii madaxweynaha cusub Cabdrabbuh Mansour Hadi uu xafiiska la wareegay bishii Febraayo.

Cali Mansur, waa sarkaal sare oo ka mid ah ciidamada Yemen aadna ay isugu dhawaayeenGen Qatan, wuxuu ku sii feeyay dilkiisa guul daro weyn oo soo wajahday dalka Yemen".

Si kastaba dalka Yemen waxa uu ka mid ah yahay dalka ay ku nool yihiin Soomaali badan oo qoxooti ah, arrintan isqarxinta ee uu fuliyay ruuxa Soomaaliga haddii ay dhabowdana waxa la soo darsi kara dhibaatooyin waaweyn dadka Soomaalida ee ku dhaqan dalkaas.

Sidoo kale waxa ay arrintan ka dhabeyneysaa wararka sheegaya Soomaali badan oo ku biirtay Al-Qaacida Jasiirada Carbeed.

Mereykanka ayaa sheegay in uu dagaal toos ah kula gali doono Al-Qaacida dalalka Yemen iyo Soomaaliya, waxana uu hadda saldhigyo qarsoodi ah ka furtay dalal ku yaala bariga Africa.