Kobanhegan: Dulsaarka amaahda guryaha ayaa haddana maanta sii dhacay.

Markii Nordea soo saartay nidaamka caanka ah ee sargoynta dulsaarka amaahda (rentetilpasningslån) ama amaahda hayalkasan (flekslån) ayaa dulsaarkii amaahda la yidhaahdo F1-lån, sannad gudihii si taariikhi ah hoos ugu dhacay boqolkiiba 0,35.

Shirkadda Nykredit ayaa amaahda hayalkasan ee 5ta sano ahi hoos u dhacday boqolkiiba 2,21.

- Amaahda hayalkasan ayaa aad u jaban. Waa hab aad u fiican, si loo bixiyo wax yar, waqtiguna yara dheeraanayo, ayuu DR Nyheder ku yidhi khabiirka arrimaha dhaqaalaha, Karsten Engmann.

Amaahda dulsaarka goan ee 3%
Wuxu ka digay inaan la dugsan dulsaarka hoose si loo sii galo dayn dheeraad ah. Wuxu ku taliyay, in lacagta soo hadha dhinac loo leexiyo.

- Haddii dulsaarku kor u kaco, si aan cidhiidhi looga la kulmin guriga, waayo lama bixin karo qarashyada dulsaarka, ayuu yidhi Karsten Engmann.

Dulsaarka hooseeya wuxu u arkaa fursad dahabi ah oo soo martay dadka guryaha leh, si ay habeeyaan dhaqaalaha gurigooda sannado badan oo soo socda. Dulsaarka sugan ee amaahda guryaha ee muddada 30ka sano ah waxa manta lagu helayaa boqolkiiba 3.

source.dr.dk