Kobenhagen: Bilayska ayaa raadguraya shebekad wayn oo maandooriyayaasha tahriibisa, oo hablo yaryar ku soo rartay 50 kilo oo kakain iyo amfetamin ah.

Sidaas waxa sheegay bilayska koonfurta iyo badhtamaha Yuulland iyo bilayska bariga koonfureed ee Yuulland, oo raadinaya tahriibiyayaasha maandooriyaha, iyagoo kaashanaya kooxaha gaarka ah ee bilayska qaranka.

- Waa wax lala yaabo dhallinyaro sidan u tiro badan oo ku dhex jirta denbiyada abaabulan ee maandooriyayaasha, ayuu yidhi taliye kuxigeenka bilayska badhtamaha iyo koonfurta Yuulland, Hans Roost.

Waxa lagu xukumay xabsi isugayntiisu dhan tahay 53 sano
- Waxay oggolaadeen khatar wayn, oo marka la qabto ee la xukumo, saamayn wayn ku yeelan doonta noloshooda oo dhan.

Sagaal qof ayaa lagu xukumay xadhig isugayntiisu dhan tahay 53 sano oo xabsi ah. Gabadh 26 jir ah oo reer Esbjerg ah ayaa kiiska ka qaadatay kaalin wayn, waxana dhawaan lagu xukumay 12 sano oo xadhig ah.

- Waxa aannu rajaynaynaa, in ciqaabta kulul ee la mariyo, cimri dheer oo noloshooda ah ay dhallinyaradaasi ku qaadan doonaan xabsiyada, iyadoo kuwa kale ay u noqon karto wax ay ka fikiraan, ayuu yidhi Hans Roost.
 

source.dr.dk