Muqdisho (RH) Saraakiisha ciidanka AMISOM ee Soomaaliya ayaa sheegay magaalada Muqdisho in ay soo gaareyn   kooxdii labaa ee booliska AMISOM kuwaasoo isagu jira rag iyo haween isla markaana socda Nigeria .

Ergeyga midowga afrika u qaabilsan Soomaaliya Boubacar Diarra ayaa kooxda labaad ee booliska AMISOM ku tilmaamay inay cadeyn u tahay sida midowga afrika ay uga goantahay wax u qabadka ummadda Soomaaliyeed iyo dowladda Soomaaliya.

Wuxuu sheegay in Soomaaliya ay cagta saartay dhabaha dib-u dhiska iyo hagaajinta ammaanka goobaha ay xoreeyeen ciidamada dowladda iyagoo garab ka helaya kuwa AMISOM.

Wuxuu yiri, “Waxan rabaa inan muujiyo sida aniga iyo midowga afrika an uga faraxsannahay wadanka Nigeria iyagoo ka dhabeeyay ballan qaadkii ay sameeyeen kaasi oo wax weyn ka tari doona soo celinta ammaanka Soomaaliya.

Wuxuu intaas ku diray danjire Diarra in Nigeria ay Soomaaliya ka joogaan tirro ciidan boolis ah sidaa daraadeed, ciidamada ay soo dirtay waxay tusineysaa sida ay uga go’anntahay inay xasisho Soomaaliya iyo Qaaradda Afrika oo dhan.”ayuu yir.

Ciidamada booliska AMISOM ayaa door weyn  ka qaadanaya sidii ammaan loogu soo celin lahaa goobaha laga qabsaday Al-Shabaab

Ciidankan ayaa ku biiraya kuwa ka socda dalka Uganda oo horey u joogay Muqdisho.

Radio Hormuud

Studio 3

Mogadishu Somalia