Hargeysa(RH):- Guddiga doorashooyinka Somaliland, ayaa caawa si rasmi ah ugu dhawaaqay natiijada doorashada golaha deegaanka ee degmada Hargeysa iyo tirada uu Urur kasta oo shanta Urur iyo labada Xisbi ee doorashada u tartamay ka mid ahi helay.

Iyada oo Guddiga doorashooyinka Somaliland oo shalay illaa maanta si weyn looga war-sugayey inay ku dhawaaqaan natiijada doorashada ee degmada Hargeysa, ayaa shir jaraa’id oo ay caawa ku qabteen xaruntooda magaalada Hargeysa, waxaana shirkaa jaraa'id ka hadlay Guddoomiyaha Guddiga doorashooyinka ee degmada Hargeysa Siciid Jaamac Guudaal, waxaanu sheegay inay 230 kun oo qof ka codeeyeen magaaladda Hargeysa, kuwaasoo ay Ururradu u kala heleen 25-ka kursi ee Golaha deegaanka Hargeysa sidan:-

1)- KULMIYE waxa uu helay 7 Kursi
2)-WADDANI, waxa uu helay 4 kursi.
3)-XAQSOOR, waxa uu helay 4 kursi
4)-UCID, waxa uu helay 4 kursi
5)-UMMADDA waxa uu helay 3 kursi.
6)- DALSAN waxa uu helay 2 kursi
7)-RAYS, waxa uu helay 1 kursi.

Natiijada hadda lagu dhawaaqay ee degmada Hargeysa ayaa ah tii ugu dambaysay ee degmooyinka Somaliland ee ay doorashada dawladaha hoose ka qabsoontay Arbacadii toddobaadkii hore oo ku beegnayd 28-kii bishii 11-aad 2012-ka, iyada oo degmooyinka kale hore ay ugu dhawaaqeen Guddiga doorashada ee degmooyinka kale.

Radio Hormuud.dk
Studio 2
Hargeysa/Somaliland.