RH: Hargeysa: Bandoo ayaa caawa lagu soo rogay magaalada  waxaana  la mamnuucay dhamaan socodka gaadiidka marka laga reebo , booliiska iyo nabadsugida.

 Waxa la xidhay wadada wadnaha ee magaalada bartankeeda marta ilaa xarunta madaxtooyada ,

waxa kale oo la xidhay wadada shacabka  ee Bibsiga taas oo soo gasha xarunta komishinka.

Xaafadaha ay rabshaduhu saameeyeen ayaa kala haa , Oktoobar, Sinaay,  Halv London, Isha boorama, Biibsiga  iyo suuqa dhexe- Biriishka wayn ilaa agaarka saldhiga dhexe ee Booliiska.

Waxa kale oo ay wariyayaashayadu noogu soo waramayaan  in ay rabshado aan sidaas u sii waynayni ka dhaceen xaafada New Hargeysa , dadkan ayaa la sheegay in ay taageerayaal u ahaayeen ururka UMADA balse marii dambe ay booliika ayaa  kala eryay.

Guud ahaan hada xaalada magaaladu  waa ay degantahay , sida uu noogu soo waramayaan  Wariyayaashayada  oo ku sugan goobo kala duwan oo ka mid ah magaalada Hargeyisa.

Internetka ayaa qaybo magaalada ka mid ah laga jaray.

khasaaraha ay rabshadihii caawa dhacay dhalliyeen  ayay noo xaqiijiyeen inta ay ka war hayaan, Hal qof oo dhimasho ah iyo lix dhaawac ah oo cisbitaalada lagu dawaynayo.

Ilaa hada waxa aan hadal Madaxda ururka XAQSOOR si ay falalkan amni  daradada ah u damiyaan. maadaama dadka rabshadaha kiciyay ay iyaga taageersanaayeen.

waxaase socda , dhaqdhaqaayo arintan lagu dajinayo oo  ay wadaan xubno wax garad ah oo is xilqaamay .

Wixii ka soo kordha kala soco Radio Hormuud