Hargeysa(RH):- Wasiirkii hore ee Wasaarada Dhalinyarada iyo Ciyaaraha Somaliland Cabdi Siciid Faahiye ayaa sheegay ka mida Ergo Beesha deegaanka Saylac oo wada hadalo kula jirta Xukumada Axmed Silaayo ayaa maanta Sheegay inaanay beeshiisu Guud ahaan Aqoon sanayn Doorashadii ka dhacday Deegaanka Saylac islamarkaana Waxaa Uu Sheegay in lagu degdegay Doorashada Maayarka iyo ku xigeenkiisa Magaalada Saylac Dhawaan loo doortay

Wasiirkii Hore ee Wasaarada Dhalinyarda iyo Cayaaraha Sidaasi Waxaa Uu Ku Sheegay Mar Uu Maanta Saxaafada la hadlayay waxa uu yidhi;
"Qadiyadan Doorashadan dhacday wax beeshani ay guud ahaanba ka Ogoshahay ama ay ka Rumaysantahay Natiijada doorashadaasi ka soo baxday ma jirto. Intaa ka dib ma garanayo waxan la leeyahay Maayar baa la doortay iyo maayar xigeenbaa la doortay ma garanayno meesha ay Xukumayaan. Anaga Mawqifkayagu Wali waa kii hore uun.Kuwayagii Banaankay joogaan iyagana dee isdoorta Odhan mayno oo mudi-mudi ka horgee maaha ee Ergaanu nahay Xukumadaanu u soconay, Dawladaanu u sheegnay ilaa Guurtideeda, Fariintii ay dawladu siday Celinteeda ayay Ergadu u fadhidaa."

Cabdi Siciid Faahiye waxa kale oo uu sheegay inay la kulmeen Golaha Guurtida Oo iyaguna sheegay inay Arinkaasi Xukumada kala soo hadlayaan. Waxa uu sheegay inay sugayaan Go'aanka ka soo baxa Xukumaada. Waxa uu intaasi ku daray Wasiirkii hore ee Cayaaraha somaliland inay Beeshiisu yeelan doonto Shirwayne ay kaga tashanayso Aayaheeda isagoon sheegin meel lagu qabanayo iyo goorta la qabanayo toona.

By Maxamed Jiciir Aw_Axmed

Maxamed.jiciir@gmail.com

Radio Hormuud.dk
Studio 2

Hargeysa-somaliland