 Muqdisho (RH) Madaxweynaha Jamhuuriyadda Federaalka ah Soomaaliya Mudane Xasan Sheekh Maxamuud iyo wafdi uu hoggaaminaayo ayaa maanta oo khamiis ah Muqdisho dib ugu soo laabtay kaddib markii ay booqasho ku tageen waddanka Sudan.
Madaxweynaha iyo wafdigiisa ayaa ka qaybgalay xuska sanadguuradii 57 aad ee ka soo wareegtay madaxbanaadida dalkaasi.
Madaxweynaha iyo wafdigiisa waxa kaloo ay kulamo la qaateen madaxda dalkaas oo uu ka mid yahay madaxweyne Cumar Xasan Al-Bashiir.
Madaxweynaha iyo wafdigiisa waxa kaloo ay booqdeen warshada daabaceysa lacagta Shilinka Soomaaliga ah ee ku taalla Khartoum.
Madaxweynaha iyo wafdigiisa waxa ay kulamo la qaateen jaaliyadda iyo ardayda Soomaalida ee wax ka barta jaamacadaha ku yaalla dalka Sudan.
Waa booqashadii ugu horreysay oo madaxweyne Xasan Sheekh Maxamuud uu ku tago dalka Sudan tan iyo markii uu noqday madaxweyne 10-kii September 2012-ka
Radio Hormuud
Studio 3
Mogadishu Somalia
|