 London (RH) Wasiirka arrimaha dibedda UK William Hague ayaa maanta oo khamiis ah xafiiskiisa ku qaabilsay ra’iisal wasaare ku-xigeenka ahna wasiirka arrimaha dibadda ee xukuumadda Soomaaliya Fowsiyo Yuusuf Xaaji Aadan oo booqasho ku joogta dalka Britain.
Kulankan oo ka dhacay xafiiska arrimaha dibedda Britain oo ku yaalla bartamaha London ayaa labada dhinaca la sheegay in ay kaga hadlen xiriirka labada waddan iyo shar la sheegay in uu ka dhacayo bisha May magaalada London.
Xoghayaha arrimaha dibedda Britain William Hague ayaa ku sheegay bartiisa Internetka in UK ay saaxiib xooggan la tahay Soomaaliya isla markaana ay laba laabi doonto taageerada loo raadinaayo Soomaaliya ee ah tan muuqata ay siinayaan Soomaaliya sannadkan 2013-ka.
William Hague ayaa sheegay in uu ku faraxsan yahay wasiirka arrimaha dibedda Soomaaliya Fowsiyo Yuusuf Xaaji Aadan ay taageertay qorshaha Britain iyo waddamada kale ee ku G8 ee looga hortgayo kufsiga ka dhaca goobaha collaadduhu ay ka jiraan.
“Ku soo dhowow Twitter iyo xilka cusub. Waa inoo kulankeenna berri iyo sii wadidda taageerada UK ee Soomaaliya,” ayuu William Hague ku yiri qoraal uu xalay dhigay bogga uu ku leeyahay Twitter.
Marwo Fowsiya ayaa ugu jawaabtay; “Waad mahadsan tahay William Hague. Waan ku faraxsanahay kulankeenna maalinta berri ah. Soomaaliya way idinkaga mahad-celinaysaa taageeradiinna.”
Shirka lagu wado inuu dhaco bisha May ayaa dhaqaale loogu raadin doonaa dowladda cusub ee Soomaaliya.
Kulanka marka uu soo dhaamaday ayaa si kooban ay labada wasiir ula hadleen saxaafadda iyagoona sheegay in ay kulankooda uu ku soo dhammaaday guul.
Wasiirka arrimaha dibedda Soomaaliya ayaa sheegtay in madaxweyne Xasan Sheekh Maxamuud uu soo booqan doono magaalada London.
Radio Hormuud
Stuido 3
London /UK | 
Newsletter
Munaasibad lagu Xusayey Maalinta Shaqaalaha Oo lagu Qabtey Magaalada Hargeysa
