RH.Kobenhagen: Salaam, ku soo dhowow khadka latalinta arrimaha jinsiga ee muslimiinta. Maxaan kaa caawiyaa?

Iyadoo xidhan xijaab cawlan iyo toob madow oo ku dhejisan ayaa gabadh muslin ahi cod debecsan uga jawaabaysaa suaalo uu waydiinayo qof telifoonka kaga soo jira dhinaca kale. Kama kayrkayrayso inay u sheegto mawqifka islaamka ee jinsiga.

- Maya. Maya. Maya, laguu ma oggola, waa xaaraan. Maya. Maya. Maya, laguuma oggola bataatan!

Dabadeed tilifoon ayaa si maamuus leh loo jarayaa - waana hubaal inuu niyadjabsan yahay qofkii dhinaca kale kaga jiray tilifoonku.

Dhibbanayaasha oo noqonaya qaar diirdiirran oo qosol leh
Lo' muqadas ahi meesha ma joogto, marka caawa maadayska taxanaha ah ee 'Det slører stadig' ee DR2 ay soo bandhigayaan afar hablood oo dhallinyaro ah oo asalkoodu muslin yahay, kuwaasoo ku ballanqaaday inay daaha ka rogaan maadays ay metelayaan hablo muslin ahi sannadka 2013.

Mana wax iska yimi, in ninka qoray sheekada maadayska Parminder Singh, uu doortay in sheekadu ka hadasho arrimo la xidhiidha dumarka.

- Dumarka muslinka ayaa badanaa la soo saaraa, iyagoo debecsan, deggan, oo cadaadis saaran yahay. Hadda waxa la soo bandhigayaa, iyagoo qosol leh, fudfudud oo diirdiirran, ayuu ku yidhi dr.dk.

Waxa laga maadaysanayaa waxyaabaha xaaraanta ah
Ellie, Naghme, Sara iyo Ajla oo ka kala yimi dalalka Iran, Jordan iyo Bosnien ayaan maadays ka samaynayn keli ah waxyaabaha deenishku ka aaminsan yihiin haweenka muslimiinta ah, xijaabka iyo bikirka.

Waxa kaloo ay maad ka samaynayaa xijaabka iyo bikirka, iyo waxyaabaha ay muslinku kala aaminsan yihiin.
Sidaasna wuu la socdaa qoraaga sheekadu.

- Wax kastoo aynnu ka cabsanno waxa loo soo bandhigayaa qaab maadays ah. Sidaas awgeed waxa aannu samaynaa maadays ballaadhan, ayuu yidhi Parminder Singh oo ku ballanqaaday in laga heli doono, marka la soo bandhigayo waraysiyo lagaga maadsanayo bilayska iyo siyaasiyiinta iyo riwaayado la xidhiidha waxyaabo ay weriyayaasha ajinebiga ahi ka soo bandhigayaan muslimiinta.

source.dr.dk