KOLDING (Radio Hormuud): Booliska gobolka Sydøstjylland ayaa maanta baahiyay sawirka nin lala xiriirinayo dhacdo qarsoodi ah oo ka dhacday magaalada Kolding, ka dib markii qof dhaawac ah laga helay jidka Platinvej habeenkii Arbacada ahayd ee 4-tii Febraayo.
Booliska ayaa sheegay in ninka dhaawaca ah la helay abaare 03:00 habeenimo, isla markaana loola cararay isbitaalka si loogu daaweeyo.
Baaq ku socda Dadweynaha: Boolisku waxay si degdeg ah uga codsanayaan qof kasta oo arkay ninkan sawirka kamuuqda intii u dhaxaysay saacadu marka ay ahayd 01:00 ilaa 03:00 habeenimo ee habeenkii Arbacada 4.feb.26 , inay la soo xiriiraan booliska. Gaar ahaan haddii lagu arkay agagaarka Platinvej ama qaybaha kale ee magaalada Kolding.
Sharaxaadda Ninka la raadinayo:
-
Dharka: Wuxuu xirnaa surwaal madow iyo jaakad madow oo koofiyad leh (hoodie).
Hadalka Booliska: Taliye ku xigeenka booliska, Carsten Vester, ayaa yiri:
"Waxaan aad u danaynaynaa inaan khariiradayno dhaqdhaqaaqa ninka ka hor intaan la helin isagoo dhaawac ah abaare saddexdii habeenimo. Waxaan rajaynaynaa in baahinta sawirkan ay nagu caawiso inaan helno dad xog hayo, xitaa haddii ay ku arkeen meelo ka baxsan Platinvej."
Codsiga Kamaradaha (CCTV): Booliska ayaa sidoo kale ka codsaday dadka deegaanka ee leh kamaradaha ilaalada guryaha ama kuwa baabuurta (dashcam) inay dib u fiiriyaan cajaladihii duubnaa habeenkaas si loo arko haddii ninku uu ka soo muuqday.
Haddii aad hayso wax xog ah, fadlan la xiriir Booliska Sydøstjylland ama wac lambarka 114.
Radio Hormuud Kolding - Isha Wararka Sugan ee Jaaliyadda.