Radio Hormuud Studio 2 Hargeysa/Somaliland

Hargeysa(RH):-Fadhigii 85-aad ee Golaha Wasiirrada Jamhuuriyadda Somaliland oo uu Shir-guddoominayey Madadweynaha Jamhuuriyadda Somaliland, Mudane Muuse Biixi Cabdi. Ugu horayn madaxweyne ku-xigeenka Somaliland Cabdiraxmaan Cabdilaahi Ismaaciil (Saylici) ayaa golaha war-bixin ka siiyey halka uu marayo Mashruuca JPLG-gu, safarradiisii uu ku tagay Imaaraadka Carabta iyo Hindiya.

Hargeysa(RH):-Madaxweynaha Jamhuuriyadda Somaliland, Mudane Muuse Biixi Cabdi, ayaa maanta si rasmi ah u daah-furay xarunta cusub ee maaraynta biyaha dhulka hoostiisa ku jira iyo biyo-xidheennada oo ay hirgelisay wakaallada biyaha Hargeysa.

Munaasibadda xadhig-ka-jarista xaruntan cusub, ayaa waxa madaxweynaha kala qaybgalay xubno kamid ah golaha wasiirrada, xildhibaanno, maareeyaha wakaallada biyaha Hargeysa, safiirro, aqoonyahanno iyo marti-sharaf kale oo aad u tiro badan.

Hargeysa(RH):-Madaxweynaha Jamhuuriyadda Somaliland, Mudane Muuse Biixi Cabdi, ayaa markii ugu horraysay si waafi ah uga hadlay furista Ururada Siyaasada iyo axsaabta qaranka Somaliland oo maalmihii u dambeeyey hadalkayteedu taagnayd isla markaasina ay ka biyo diideen axsaabta mucaaridku.

Madaxweynaha  Somaliland wuxuu sheegay inay Furan-yihiin Ururadii Siyaasadu  , waxaaanu ku baaqay in la ixtiraamo xeerarka iyo Dastuurka dalka.

Hargeysa(RH):-Koomishanka xuquuqal insaanka Qaranka Somaliland ayaa magaalada Hargeysa ku qabtay Shir ku saabsan xal u helidda maxaabiista muddo dhaafka u ah xuquuqaha madaniga ah.

Kulankaasi waxa  ka soo qayb galay,  guddoomiyaha maxkamadda racfaanka, taliyaha ciidankan asluubta, xeer ilaaliyaha gobolka Maroodijeex, saraakiil  ka socday ciidanka asluubta, booliska, xafiiska xeer ilaalinta, hay’addaha caalamiga ah iyo ururada bulshada.

Hargeysa(RH):-Guddoomiyaha rugta ganacsiga Somaliland, mudane Jamaal Caydiid Ibraahin, ayaa sheegay in saameynta dunidda ee xannuunka Covid-19 in u sababay kor’ukaca maceeshada, isla markaana aanay xukuumadda iyo ganacsatadu aanay saameyn ku lahayn kor u kacaasi.

Waxaanu sidan ka sheegay mar uu hortagay guddida joogtada ah ee golaha guurtida, oo  ugu yeedhay  kulan ay  su’aalo kaga weydiinayeen shaqada  uu Qaranka ugu  igman yihiin.

Hargeysa(RH):-Wasaarada deegaanka Somaliland ayaa shaacisay in ay tiro-koob ku samaynayaan noocyadda kala duwan ee duur joogta lagu haysto hudheeladda iyo meelaha kale ee magaalooyinka dalkoo dhan.

Waxaanay diiwaangelintaasi ka fulinaysaa wasaaradu afarta gobol ee  kala ah Maroodijeex, Awdal, Saaxil, iyo Togdheer, kuwaasoo la soo diiwaangelin doono dhamaanba wixii duur joog ah ee ay shacabku haystaan.